Jubla Uznä

Leitende

Scharleitung

heyy zemme:) Ich bin d’Elin Zahner,
bin Jahrgang 07 und han am 5. März Geburtstag.

Ich bin sitem Afang i de Jubla mitdebiii:)… jetzt dueni mit de Sina eh eigeni Gruppe leite… Im Lager iss ich am liebste de Öpfel us em Wasserchessel oder gnüsse s’singe am Lagerfüür 😉

I minere Freiziit spiel ich Handball bim Handballclub Büelen Nesslau. Ich duen au sehr gern Singe und Zeichne…

Hoi Mitenand, Ich bin de Lino Zahner

Ich bin sit em Afang i de Jubla i de Gruppe Yakuma gsi. Jetz leite ich mit em Sirius und em Matteo d’Gruppe Havasupai.

Am liebste im Lager hani s Singe am Lagerfüür und alli Gländgame 🙂

Ich han bim Otto Hofstetter in Uznä mini Lehr als Konstrukteur gmacht und auno 2 jahr dete gschafft.
Aktuell bin ich grad am mim Zivildienst drah.

I minere Freiziit spiel ich Saxophon, Handball und gange gern go Bouldere.

Salüü, ich bin d’Moira 🙂

Jahrgang: 2005
Ide Jubla sit: 2012
Leiterin sit: 2019

Lieblingsbeschäftigung: Cotton Eye Joe in 2-facher Gschwindigkeit tanze
Lieblingslageresse: Fajitas
Hobbies nebed de Jubla: alles im Wasser, im Schnee oder ide Berge
Sust im Lebe: Geographie- und Politikwüsseschafte-Studentin

Ich i 3 Wort: topmotiviert, organisiert, Spass-orientiert

Leitungsteam

Ich bin d Amelie Grossmann und han am 19.11.2003 Geburtstag. D Jubla isch scho sit chlii uf en grosse Teil vo mim Lebe. Sit de zweite Klass bin ich i de Jubla underwägs und sit 2018 als Leiterin debi. Zeme mit de Chantal und de Livia leit ich d Gruppe Kawaiisu.

Nebst de Jubla han ich aber no anderi Lieblingsaktivitäte. Ich spiele Querflöte für mich eleige aber au in verschidene Verein. Unteranderem i de Musik Harmoni Uznach.
Aber id Schuel gang ich au no. Ich studiere Gsundheitswüsseschafte und Technologie a de ETH.

 Ich freu mich uf e cooli zit i de Jubla.

Hallo zäme ich heisse Andrina und bin am 3. August 2008 gebore. Sit em Summer mach ich d’Fms in Wattwil. Ich han dä Schwerpunkt Pädagogik damit ich spöter chan Lehrerin werdä.

S beste adä Jubla isch definitiv dass ich detä ganz viel tolli Lüt kennäglernt han und Freundinne gfunde han wo immer für mich da sind.

Mis zweit liäbste Hobby nebet dä Jubla isch Fussball spielä. Ich spielä im Fc Eschebach im FF19 Team.

Hoi zäme,
Ich bi d’Arlette. Ich han am 09.04.2010 Geburi und bi I de Jubla sit de 3te Klass. Jetzt bin ich a de Kanti, im Schwerpunkt Bio-Chemie. I minere Freiziit spil ich Schlagzüg und mach solo Gesang. Im Lager find ich s’Nachtgländgame mit de Kollege am luschtigste und de Bunti Abig isch au immer e gueti Ziit

Hoi Zäme, ich bi d Carmen und ha am 15.04.10 Geburi.
Ich mache ä Usbildig als TPA in Feusisberg.
Ich gah i minere Freizit gern go Schwimme und Snowboarde.
Miis Lieblingstier isch dä Koalabär und i de jubla hani immer gern bachet.
Ich bin immer bi neue Sache debii und freue mich zum viel Erlebe.

Hoi zäme

Ich bins d’Chanti und stolzi Leiterin vo de Gruppe Kawaiisu.

Anderi Freiziitbeschäftigunge vo mir sind: Volleyball spiele und Ski fahre

Mini Jubla Highlights sind: Lager (vorallem d’Solas), Jasscharterugby und Amerikanischi Bulldoge

liebi Grüess und bis bald

Chanti

Hoi zäme ich bin d’Chiara und bin am 23.02.2009 gebore. Im Moment mach ich mini Ausblidig als Coiffeus und i minäre Freizit gahn ich gern go ritä und unternim öpis mit Fründä aber natürlich gahn ich au mega gern id Jubla. Im Winter bin ich oft uf de Piste mit minere Familie am Ski fahre.

Ich heisse Elia Ritler und ich bin am 5. Februar 2007 gebore. Ich studiere momentan Mathe a de ETH.
Ich leite zeme mit em Simon, em Jonas, em Levi und em Noah d’Koyukotanas. Ich hoffe, dass mir ihne au so e cooli ziit i de Jubla chönd büüte wie mir sie gha hend (und hoffentlich au witerhin ha werdet). I minere Freiziit tuen ich gern bouldere/ chlettere und E-Bass spiele.

Hoi zemme

Ich bin de Etienne und bin am 30. Mai 2008 geborä.

I minere Freiziit bin i näbscht de Jubla au no im Volleyball und unternimm gern Sache mit mine Kollege.

Als Chind bini ide Gruppe Kiowa gsi und jetzt duen ich zemme mitem Maximo d’Arapahos leite.

Saliii Zämä:) Ich han am 11. Septämber 2007 Geburtstag.

Ich bin scho siit dä 2. Klass i dä Jubla und bin jetzt mega happy mit minä altä Gruppägspändli ä Gruppä leitä z dörfä.

Am Allerliäbstä hani Gruppis und Zältlager, döt hät märs immär luschtig. Momentan mach ich grad d Lehr als Schrinerin in Kaltbrunn. Wänni mal nöd grad i dä jubla bin, bini gärn kreativ unterwägs und tuä bastlä, falls äs dänn doch mal Schnee hät gangi au sehr gärn go Snowboardä.

Ich bin d Francine Rütsche und han am 25.03.2006 Geburtstag.

Mis Lieblingstier isch de Tiger (aber nur de Sibirischi Tiger). Aber eigentlich han ich alli Tierli uuu gern. Darum bin ich au glernti TPA.

Ich bin scho sit de 2. Klass i de Jubla und han sit döte immer wieder wunderschöni Moment dörfe erlebe. Mis Highlight im Jahr isch immer s Lager.

Ich leite mit de Jana B., de Samira und de Moja d‘Kaleas.

Hallo, ich bin d Jael und bi früener i de Gruppe Chuckacida gsi, jetzt leiti zämä mit de Rebecca d Gruppe Cascades (natürli di beste).

Als JuBla-Chind hend Gländspiel immer zu mine Lieblingsaktivitäte i de Lager zellt und i de Gruppis bini bi de Schnitzeljagde amel mit voller Enthusiasmus debii gsi.

Nebst de JuBla schwimmi i minere Freiziit und male hie und da. Usserdem studieri zur Ziit Mehrsprachigi Kommunikation.

Heii alli zeme, ich heisse Jana, bin 18ni und gah momentan i d’FMS.

Scho sit de 3.Klass bini i de Jubla, mini Gruppe het Peshewa gheisse.

Jetzt leit ich mit de Moja, de Francine und de Samira d‘Kaleas 🙂

Mis Jublahighlight isch am Lagerfüür singe mit de ganze Schar.

Nebst de Jubla fahri im Winter u gern Snowboard.

Hoi zämmä, ich bin d’Jana und bi am 13. Dezämber 2008 geborä. Ich bin sit 2016 i de Jubla und han am liäbstä d’Lager, vorallem amigs d‘ Aktion X und natürlich au Schoggibananä am Lagerfüür. Jetzt grad bin ich i dä Lehr als Landwirtin in Bänkä. Suscht wenn ich mal nüt ztue han mach ich gärn Sache wo en schöne Adrenalin Schub gänd oder gahn im Winter gern emal go schiifahrä.

Guete Morge, ich bin de Jonas und bin am 30. März 2007 gebore.

Ich mache grad mini Lehr als Laborant und bin ide Jubla wills ganz toll isch. Ich fahre gern Schii und Skate gern.

Miis Lieblingstier ischs Capybara, ide Jubla han ich mich immer ufs Schoggispiili gfreut.

Heii, ich bin d’Kaija und ich bin am 07.11.2008 gebore. Momentan bin ich ah de Kanti Wattwil mit em Schwerpunkt Bildnerisches Gestalten.
Aber wenni nöd gad Schuel han, bini meistens am Volleyball oder Klavier spile. Und nöd z’vergässe, natürlich i de Jubla. Detä isch mis Highlight immers SoLa will mer detä am meiste zäme erlebt. Es isch immer öppis los und es entstönd unvergässlichi Moment.

Ich bin d Lena. Ich bin scho sit 2015 ich de Jubla und leite zämä mit de Michelle, Ronja, Flavia, Yara und Lorena. Ih minere Freizit gah ich, scho sit ich öpe 5i bin, sehr gern go ritte und unternimm mega gern öpis mit mine Fründe. Ich han im 2023 mini Lehr als Optikerin ahgfange und mach die zämä mit de BMS. Ich bin scho immer gern id Jubla cho, drum freu ich mich au umso meh jetzt chöne leite. Am Ahfang vo minere Jubla Zit han ich immer am coolste gfunde is Lager gah und Gruppis im Summer. Das isch hüt au no so. Ich han mega Freud mit allne zämä is Lager gah und eh schöni Zit zha. Ich bin scho sehr gspannt uf mini Zit als Leiterin und freu mich uf no vieli cooli Lager und Gruppis.

Ich bin de Lenny bin 15 Jahr alt, und freue mich für d nächste Jahr I de Jubla z helfe. Dazue werd ich i de nächste Jahr mini usbildig als Elektriker Abschlüsse.

Hallo, ich bin de Levi und ich bin am 20. August 2006 gebore. Im Summer 25 han ich d’Kanti abgschlosse und mach jetzt es Zwüschejahr.

I de Jubla hends mir immer ganz luschtig und d’Summerlager sind super. Zeme mit em Elia, em Jonas, em Noah und em Simon leite ich d’Koyukotanas.

I minere Freizit mach ich gern echli Sport oder unternimm öppis mit mine Kollege. Natürlich bin ich au viel i de Jubla.

Hallo Zeme ich bin de Linus
Im Moment mach ich d Lehr als Ellektroinstallateur EFZ bim EW z Schmerke. Mini Hobbys neb de Jubla sind Ringe oder mit Kollege Zit verbringe.

Hoi zämä 🙂

Ich bin d‘ Livia Elmer und bin am 6. April 2004 gebore.

Ich bin glernti Kauffrau und momentan a dä Pädagogische Hochschuel St.Galle.

Sit dä 2. Klass bin ich i dä Jubla und han vieli tolli Gruppis und Lager erläbt.

Näbst dä Jubla duän ich gärn Trompete spiele, schwimmä und skifahrä.

Ich bin d`Lynn und ha am 8. Januar Geburtstag. Im Moment bin ich ide Usbildig als Coiffeuse.
Nebst de Jubla ministriere ich und spiele no Tennis. Im Winter fahre ich gern Snowboard.
Mis Highlight ide Jubla isch`s Lagerfüür und Schoggibanene esse.

Hoi zäme,

Ich bi d’Lorena und bin am 11.04.2006 gebore. Ich bi i de Lehr als Köchin. Sit 2018 bin ich i de Jubla und bin i de Gruppe Kalapuya gsi. Ich freue mich scho zum spannendi Gruppis leite und ufs Lager chan mer sich ja au nie gnug früh freue. Jetzt übernimm ich e eigeni Gruppe mit de Yara, Flavia, Lena, Ronja und Michelle.

Ich bi de Matteo.

Ich han am 22. Dezember Geburtstag.


Mini Hobbys sind Trampolin springe, Fuessball spiele, snowboarde und natürlich au d’Jubla.

Hallo zäme.
Ich bin de Maximo und bin am 15.02.2009 gebore.
Ich bin a de Kanti und mit em Schwerpunkt Musig und han am liebste SOLAs.
I minere Freizit spil ich Gitarre, mach öpis mit mine Kollege oder gahn id Jubla.

Ich bin d Michelle und han siit chli uf so viel Erlebnis mit de Kalapuyas dörfe erlebe. Jetzt leite ich d Haliwas mit 5 Kalapuyas zemme. Ich han immer mega freud wenn s SOLA wieder aastaht, am liebschte brötle ich det Schoggibanane überem Lagerfür oder gwünne au gern es Nacht-Geländegame.

Hoi zäme 🙂
Ich bin d Moja, han am 15. Mai Geburi und bi glernti Kauffrau.
Wenn ich nöd grad ide Jubla underwegs bin, gseht mer mich entweder ide Turnhalle oder uf de Piste mitem Snowboard.
Sitem 2013 bini ide Jubla Uznä debi. Zerst ide Gruppe Peshewa und sitem 2020 dörfi mit viel Freud d’Kaleas leite.

Hoi zeme. Ich bin de Nando und bin am 19 September 2010 geborä. Ich mach mini Lehr als Automatiker. I minere Freizit gan ich gern mit Fründe use und tun Saxophon spiele. Also Sport gan ich is Gräterturne. Im Summerlager han ich d Aktion X immer am coolste gfunde.

Hallo zäme, ich bin de Niklas, ich bin am 7. Mai 2011 gebore. Im Summer 2030 schlüss ich d Lehr als Gebäudeinformatiker z Gommiswald ab. I minere Freizit tuen ich nebst de Jubla gern Töffli fahre oder mach öppis mit Fründe.
I de Jubla han ich d SOLAs am liebste. Ich freu mich uf cooli Jahr i de Jubla mit viel Spass und Abentüür.

Hoi zämme, ich bin de Noah und bin am 24. August gebore.

Momentan gang ich grad ad Kanti Wattwil und hans Schwerpunktfach Latein. I minere Freizit mach ich gern mit Kollege ab und als sportlichi Aktivität mach ich no Volleyball. Und will ich d’Jubla als Chind so cool gfunde han, bin ich jetzt Leiter.

Mis Highlight ide Jubla isch immer de Suumstoffluum gsi und wirds au immer blibe.

Hoi zemme ich bi d Norea und ha am 18. Oktober Geburi und bi siit de 2te Klass i de Jubla vorher bini bi de Powayanas debii gsi und leite siit em 24i d Gruppe Yakima. Momentan machi e Lehr als FaGe. I minere Freiziit machi gern öppis mit Kolleginne und natürlich mit üsne Jublameitli oder denn im Winter uf d Piste go Snowboarden

Hoi Mitenand, ich bin de Ramon und han am 24 Juli Geburtstag.
Ich gahn ad Kanti in Wattwil und han det de Schwerpunkt Biochemie. Nebscht de Jubla spil ich no Tennis und tuen im Winter liebend gern Skifahre.
I de Jubla mach ich am liebschte Gländgame.

Hey zämä, ich heisse Rebecca, aber alli nennet mich Rebii.

Ich leite mit ganz viel Freud d’Gruppe Cascades.

In minere Freiziit mache ich gern Sport und gah natürlich meeeega gern id Jubla.

Ich han am 24.08.2004 Geburtstag und mache zur Ziit e Ausbildung als Aktivierungsfachfrau.

I de Jubla mach ich mega gern Schoggibanane, und ufs Lager freu ich mich jedes Mal wieder ufs Neue.

Hoi zäme, ich bin d’ Ronja und bin am 09.09.2007 gebore.

Siit em 2016 bin ich ide Jubla debi. Jetzt leite ich d Gruppe Haliwa zäme mit de Michelle, Lena, Flavia, Yara und Lorena. I bin ade Kanti mit em Schwerpunkt Spanisch. I de Jubla freu ich mich immer ufs Blachevolleyball und uf e feini Schoggibanane am Lagerfüür.

Hoi zämmä 🙂

Ich bin d’Samira und bin glernti Chöchin.

Sit de 2.Klass bin ich i dä Jubla däbi und bi i dä Gruppe Peshewa gsi.

Mini Jublahighlights sind d’Summerlager und singä am Lagerfür.

Näbst dä Jubla duän ich gern Querflötä spiele, Schwimme und im Winter Skifahre.

Hoi Zäme
Ich bin d’ Sara und bin am 17. Februar 2010 gebore. Sit de zweite Klass bin ich bi de Jubla debii. I minere Friizit schwimme ich gärn oder bin mit mine Kollege underwägs. Im Momänt mach ich e Lehr als Köchin im Altersheim Tschächli.
Am beschte findis Zeltlager vor allem wägem gmütliche Zämesitze dusse. Highlight vom Lager isch für mich immer s’Lagerführ.

Hoi Zämmä ich bin dä Severin und ich bin am 28.04.2010 gebore.
Ich mach grad eh Lehr als Schriner bi de Schreinerei Kaufmann AG in Gommiswald.
Mis Highlight i de Jubla sind immer SOLAS und Gruppis gsi und mega gern hani immer de Schumstoffruum gha.
I de Freizit tun ich nebst de Jubla Ringe sowie Ministriere ebefalls fahr ich im Winter gern Ski plus im Summer tuen ich gern Wandere.

Hallo, ich bin de Simon und bin am 12.11.2006 gebore.

Ich bin grad ade Kanti mitem Schwerpunkt Musik und ich bin sit de zweite Klass ide Jubla. Mis Highlight ide Gruppis isch immer de Schumstoffruum gsi

I minere Freiziit spiel ich Klavier und Posuune, usserdem fahr ich im Winter gern Ski und im Summer gang ich go wandere.


Hoii zäme:), ich bin d‘Simone und bin am 10. Februar 2010 gebore und gon in Wattwil ad FMS mit em Schwerpunkt Gsundheit. Näb de Jubla bin ich au no im Getu, ministriere ,spiele Gitarre und fahre gern Ski. I de Jubla spiele ich gern Geländgame oder bin am Lager am Schlangebrot oder Schoggibanane bröötle.

Ich bin d Sina, bin am 4. Mai 2004 gebore und schaffe bim Wespe Transport in Schmerke.

Als Chind bin ich i de Gruppe Paranguya gsi und nacher hani d Chilunas gleitet. Die Meitlis sind jetzt aber au scho gross und drum dörf ich jetzt mit de Elin d Cuyamas leite.☺️

D Scharaläss mached mir mega Spass, aber mini Jubla-Highlights sind definitiv d’Summerlager.

Hoi zeme, ich bin de Sirius und bin jetzt Leiter vo de Gruppe Havasupai. Ich bin am 26.03.06 gebore. Ich bin scho vo Ahfang a debi und mir gfallt s‘Jasscharterugby am besteh.  Ich bin  ide Lehr als Elektroinstalateur. Nebed de Jubla  no is Breakdance und Bouldern und beides macht mir viel spass.

Hoii Zämmeee
Ich bi d’Valerie Grossmann, bi am 13. Dezember 2008 gebore und bi sit em Summer 2023 a de Kanti.
Im Summer gang ich gern mit Kollege ad Linth go bade und Volleyball spile.
Im Winter denn doch eher uf d’Piste go Ski und Snowboard fahre.
Am liebste ah de Jubla han ich amel d’Lager.
Es git immer öpis zlache, d’Mensche sind eifach
mega luschtig und eim isch nie langwilig.

Hallihallo, ich bin d Yara und han bevor ich Leiterin gwordä bin zu dä Gruppä Kalapuya ghört.
I dä Gruppis han ich immer mega cool gfundä in Schuumstoffruum z go, z bachä oder im Wald äs Füürli zmachä. Im Lager hani drum s Lagerfüür am Obig immer gnossä.
I minärä Freiziit tun ich mega gärn läsä oder ä Gruppi mit minä Jublameitli verbringä.

Präses

Ich bi d Sandra und siitem Februar 22 Präses.
Ich schaffä sitem 2012 i dr Seelsorgeeinheit als Religionspädagogin. Ich bi zuäständig für d Organisation und alles was rund um dr Reli-Unterricht lauft. Natürlich gibi ich au selber Reli 🙂.
Es macht mega Spass Präses vu dr Jubla Uznä zsi!

Abonniere unseren Jubla Uznach Blog

Trag dich ein, um keine Jubla News zu verpassen.

Wir senden keinen Spam! Erfahre mehr in unserer Datenschutzerklärung.